Brokke ligg ved foten av Setesdal Vesthei og har unike langrennsløyper i høgfjellsterreng.
Parker gratis i sentrum av Brokke, ved brua over til Brokke Alpinsenter og legg ut på tur. Start i ljosløypa eller ta skiheisen til Kvisletoppen, og følg langrennspora til Myklevatn. Her er meir enn 50 km med løyper.

Følg tråkkemaskina live via Skisporet.no

Brokke har i lange tider vore ein høgt elska utfartsstad. Her finn du eit variert og særeige fjellandskap som reknast som særleg snøsikkert. Her får du kvite vidder med urørt snø eller flotte langrennsspor for den meir kresne..

Sesongen kan starte tidleg ved at det leggast skispor på den vinterstengde Suleskarvegen. Dette vert då 1,2 mil med flotte langrennsløyper som går heilt inn til Leite, innafor Myklevatn. Det er god stigning opp der, og mange gode bakkar heim att. Her er det ikke ljos, så vil du gå på ski etter mørkets frambrot, anbefaler vi anten rulleskiløypa på 2 km, som er asfaltera og forhåpentleg gjev tidlege spor, eller ljosløypa på 5 km, som er variert og perfekt for ein treningstur.

Resten av løypenettet heng saman, og du kan anten ta trekket opp og gå innover derfrå, eller starte i ei av ljosløypene og gå innover. Du kan også ta bilen til Jarnsverk og starte turen der.